Kilian Mbappenin kiçik qardaşı olan 17 yaşlı Etan Mbappe böyük qardaşının ardınca PSJ-dən “Real”a keçə bilər.

Capar.info bildirir ki, bu barədə “El Chiringuito” məlumat yayıb.

Etan Mbappe mərkəz və müdafiəyə meyilli yarımmüdafiəçi kimi çıxış edir. Bu mövsüm Etan gənclər komandasında 22 oyun keçirib, burada beş qol vurub və üç məhsuldar ötürmə edib. Futbolçu PSJ-nin əsas komandasında 3 oyuna çıxıb.
“Transfermarkt” internet portalı oyunçunu 500 min avro dəyərində qiymətləndirir.

Xatırladaq ki, daha əvvəl 25 yaşlı Kilian Mbappenin "Real" ilə müqavilənin son detallarını razılaşdırdığı bildirilirdi. Müqavilə 2024-cü il iyulun 1-dən qüvvəyə minəcək. “Kral klubu” Mbappenin transferini yaxın həftələrdə tamamlamaq istəyir, lakin onun transferini yalnız mövsüm bitdikdən sonra elan edəcək.