"Real" PSJ-nin hücumçusu Kilian Mbappeni transfer etmək iqtidarında olduğuna inanır.

Capar.info -nın xarici mediaya istinadən məlumatına görə, 25 yaşlı futbolçunun qərarı yaxın vaxtlarda açıqlanacaq.

Daha əvvəl məlum olmuşdu ki, “Kral klubu” imzalanan bonus ödənişlərini bir neçə il ərzində (müqavilənin müddətindən asılı olaraq) bölmək istəyir. Beləliklə, "Real" dərhal transfer haqqını ödəməli olmayacaq ki, bu da Mbappenin Madrid klubuna transfer olma ehtimalını artırır.

Mbappe 2018-ci ilin iyulunda “Monako”dan PSJ-yə keçib. Transfer məbləği 180 milyon avro olub. Futbolçunun klubla müqaviləsi 2024-cü ilin yayına kimi nəzərdə tutulub. “Real” fransalı futbolçunu azad agent kimi almağı planlaşdırır.

Bu mövsüm Mbappe 27 oyun keçirib, 28 qol vurub və 6 məhsuldar ötürmə edib.