Hindistanda ilk tamştatlı işinə başlayan gənc əməkdaşın yaşadığı hadisə sosial şəbəkələrdə geniş müzakirələrə səbəb olub. İş vaxtının bitməsinə təxminən 10 dəqiqə qalmış ofisdən çıxan əməkdaş, az sonra müdirindən WhatsApp vasitəsilə "Bu gün saat neçədə çıxdın?" mesajı aldığını bildirib.

Capar.info xarici mediaya istinadla xəbər verir ki, hadisəni Reddit-də paylaşan əməkdaş bunun normal olub-olmadığını soruşaraq yazışmanın görüntüsünü də yayımlayıb. O, rəhbərlərin uzun fasilələr verməsinə baxmayaraq özünün sorğu-suala tutulmasını ikili standart kimi qiymətləndirib.
Paylaşım qısa zamanda minlərlə rəy toplayıb. Bəzi istifadəçilər bunu "mikro idarəetmə" nümunəsi adlandırsa da, digərləri iş saatlarına riayət olunmasının işəgötürənin haqlı tələbi olduğunu qeyd ediblər. Hadisə iş yerlərində əməkdaşların izlənilməsi və idarəetmə üsulları ilə bağlı yeni müzakirələrə yol açıb.