Səyahət zamanı çoxlarını maraqlandıran suallardan biri də budur: təyyarədə tualetdən istifadə etdikdə sular və tullantılar hara gedir? Çoxları səhvən hesab edir ki, tullantılar birbaşa havaya atılır. Əslində isə bu tamamilə mifdir.

Təyyarədə tualeti niyə rahatlıqla istifadə etmək olar?
Capar.info xarici mediaya istinadla xəbər verir ki, müasir təyyarələrdə vakuumlu kanalizasiya sistemi quraşdırılıb.

Suyu axıtmaq üçün düyməyə basdıqda xüsusi klapan açılır, kiçik miqdarda su antiseptik və ətirləndirici maddələrlə birlikdə buraxılır. Bütün tullantılar su ilə birlikdə güclü vakuumun köməyi ilə təyyarənin gövdəsindəki xüsusi tanka çəkilir.

Bu səbəbdən tullantıların havaya düşməsi qətiyyən mümkün deyil.

Tullantılar sonradan necə təmizlənir?
Təyyarə son dayanacaq hava limanına endikdən sonra proses belə davam edir:

Təyyarəyə xüsusi texnika yaxınlaşır, tankdakı tullantılar həmin avtomobil vasitəsilə çəkilib çıxarılır. Daha sonra tullantılar hava limanının kanalizasiya sisteminə ötürülür.