Amerikalı basketbolçu Cared Şou Tailanddan marixuana qaçaqmalçılığına görə İndoneziyada ölüm cəzası ilə üzləşə bilər.

Capar.info xarici KİV-ə istinadla xəbər verir ki, “Tanqeranq Houks” komandasının idmançısı İndoneziyada Tailanddan qaçaqmalçılıq yolu ilə marixuana konfeti keçirməyə cəhd etdiyi üçün həbs edilib.

İndoneziyanın Sukarno-Hatta Beynəlxalq hava limanında polis içərisində təxminən 870 qram marixuana konfeti olan 20 bağlama aşkar edib. Basketbolçunun özü daha sonra mənzilində saxlanılıb.
Yerli hüquq-mühafizə orqanlarının açıqlamasına görə, Şou öz idmançı yoldaşlarına narkotik paylamağı planlaşdırıb.

Cared özü də etiraf edib ki, o, bu qadağan olunmuş konfetlərdən yalnız şəxsi istirahət üçün, xüsusən də məşqdən sonra istifadə edir. O, bu dərmanları Tailanddakı dostu vasitəsilə alıb.

Amerikalı hazırda narkotiklərin idxalı, saxlanması və paylanması ilə bağlı ittihamlarla üzləşib. İndoneziya qanunlarına görə, onun günahı sübuta yetirilərsə, onu ölüm cəzası, ömürlük və ya 20 ilə qədər həbs cəzası gözləyir.