“Adidas” şirkəti Messinin qarşıdan gələn Amerika Kubokunda geyinəcəyi butsları təqdim edib.

Capar.info xarici Kİv-ə istinadən bildirir ki, butsun modeli Triunfo Dorado (“Qızıl Zəfər”) adlanır və ağ, qara və qızılı rənglərdə hazırlanır və argentinalının adı dabanında yazılıb.

Amerika Kuboku iyunun 20-dən iyulun 14-dək ABŞ-da keçiriləcək. Argentina millisi qrupda Kanada (21 iyun), Çili (26 iyun) və Peru (30 iyun) ilə oynayacaq.
İyunun 13-də Messi Amerika Kubokunda iştirak etdiyi üçün Olimpiadanı buraxacağını açıqlamışdı. “Hazırda Olimpiada haqqında düşünmək çətindir, çünki biz Amerika Kubokundayıq. Ardıcıl iki-üç ay olacaq ki, klubda olmayacağam, üstəlik, hər yerdə oynaya biləcək yaşda deyiləm. Diqqətlə seçim etməliyəm və ard-arda iki turnir oynamaq həddən artıq çox olardı”.

Bu yarışda Şimali, Mərkəzi Amerika və Karib Hövzəsi Futbol Konfederasiyasından (CONCACAF) 6 komanda və Cənubi Amerika Futbol Konfederasiyasından (CONMEBOL) 10 komanda iştirak edəcək. Adətən turnir yalnız 1993-cü ildən KONMEBOL ölkələrinin komandalarının iştirakı ilə keçirilir, yarışa digər konfederasiyalardan, ən çox isə CONCACAF-dan iki komanda dəvət olunur.

İlk dəfə olaraq Amerika Kuboku iyulun 14-də Almaniyada başa çatacaq Avropa çempionatı ilə eyni vaxtda keçiriləcək.