Nüfuzlu “FourFourTwo” nəşri futbolda ən çox nifrət edilən insanların reytinqini dərc edib.

Capar.info xarici mediaya istinadla bildirir ki, reytinqə “Mançester Siti”nin keçmiş yarımmüdafiəçisi Coi Barton başçılıq edir. Məqalədə onun həm meydanda, həm də meydandan kənarda çoxsaylı zorakılıq hərəkətləri etdiyi yazılıb. İkinci yerdə FİFA-nın keçmiş prezidenti Yozef Blatterdir, onun rəhbərliyi altında təşkilatda ən böyük korrupsiya qalmaqalı yaşanıb. İlk üçlüyü Almaniya millisinin sabiq qapıçısı Harald Şumaxer tamamlayıb.

Qeyd edək ki, ilk 10-luğa həmçinin Kriştiano Ronaldo, Luis Suares və “Roma”nın sabiq baş məşqçisi Joze Mourinyo daxil olub.

“FourFourTwo”ya görə futbolda ən çox nifrət edilən 10 insan:

1. Coi Barton.

2. Yozef Blatter.

3. Harald Şumaxer.

4. Mişel Platini.

5. El Hacı Diuf.

6. Con Terri.

7. Kriştiano Ronaldo.

8. Luis Suarez.

9. Piet Vinkelman.

10. Joze Mourinyo.