“Ölkədə həyata keçirilən islahatlar paketinin ən mühüm maddəsi məhz korrupsiya ilə mübarizədir. Dəfələrlə məmurların diqqətinə çatdırılıb ki, onların heç bir imtiyazları yoxdur, işləri ancaq xalqa və dövlətə xidmətdən ibarət olmalıdır".
capar.info xəbər verir ki, bunu Bakupost.az -a millət vəkili Asim Mollazadə deyib.
O, bildirib ki, kimliyindən asılı olmayaraq korrupsiyaya qurşananlar həbs cəzasından yayına bilməyəcəklər:

"İstənilən cinayət açılacaq, cinayətkarlar tapılacaq və onlar törətdikləri cinayətlərə görə cavab verəcəklər. Düşünürəm ki, sistemli araşdırmalar, korrupsiya ilə mübarizə Azərbaycanın bir dövlət kimi güclənməyinə, xalqın rifahına xidmət edir. Əminəm ki, bu proses davam edəcək. Qanunları pozan, kimliyindən asılı olmayaraq, korrupsiyaya qurşananlar həbsdən yayına bilməyəcəklər”.