Hindistanın Bareilly şəhəri yaxınlığındakı kənddə meymun sürüsü yaşayış evinə hücum edib.

capar.info yerli KİV-ə istinadən xəbər verir ki, 25 yaşlı sakini Nirdeş Upadhyay və həyat yoldaşı 4 aylıq oğulları ilə yaşadıqları evin 3-cü mərtəbəsində olarkən meymunların onlara doğru gəldiklərini görüblər.

Onları dövrəyə alan meymun sürüsü qəflətən evə hücum ediblər. Uşağın valideynləri vəhşiləri qovmağa çalışsalar da, bacarmayıblar. Daha sonra körpəni qucağında saxlayan ata pilləkənləri yarıb keçmək istəyərkən körpəni qucağından yerə yıxıb. Bu zaman meymunlardan biri azyaşlını özü ilə götürərək evin damından atıb.
Uşaq yerindəcə keçinib. Valideynlər hadisə barədə səlahiyyətlilərə məlumat veriblər. Hindistan Meşə Xidməti hadisə ilə bağlı araşdırma aparır.