Şahidlər silah səsləri eşitdiklərini və hücumçunun qəribə söhbətlərini də polisə çatdırdıqlarını deyirlər.

Capar.info -nın xarici mediaya istinadla xəbərinə görə, ABŞ-ın Minnesota ştatından olan kişi 70 yaşlı qonşusunu yadplanetli saydığı üçün öldürüb.

Səhər saatlarında polisə yaşayış binasında atışma olması barədə məlumat daxil olub. Hadisə yerində patrul əməkdaşları çoxsaylı güllə yaraları olan bir qadın aşkar ediblər. O, huşunu itirib və polisə qonşusunun ona bir neçə dəfə atəş açdığını söyləyə bilib.


45 dəqiqə əvvəl o, ona telefonla zəng edib və ondan nəsə kömək istəyib. Qadın xəstəxanaya çatdırılsa da, onu xilas edə bilməyiblər.

Şahid bildirib ki, şübhəli şəxs onu gecə yuxudan oyandırıb və yadplanetlilər haqqında danışmağa başlayıb. Konkret olaraq, o, qonşusunun yadplanetli olduğunu və tezliklə onlar üçün bir kosmik gəminin gələcəyini söyləyib.

Şahid onu da bildirib ki, bundan sonra zərərçəkmişi görüb və atəş səsləri eşidib. Qadının evinə qaçıb, onun yerdə qanlar içində olduğunu görüb və polisə müraciət edib.