Rusiyanın Xantı-Mansiysk Muxtar Dairəsinin Langepas şəhərində bir polis qadının avtomobilini oğurlayıb və onu saxlayan həmkarlarını hədələyib.

Capar.info yerli mediaya istinadla bildirir ki, hadisə noyabrın 27-də axşam saatlarında baş verib. Mağazada dayanmış avtomobil Xantı-Mansiyskdən olan polis kapitanı Aleksandr Vasilyev tərəfindən oğurlanıb. O, məzuniyyət zamanı Langepasda olub. O, idarəetməni itirərək qar yığınına çırpılıb.

Məlumata görə, Range Roveri idarə edən polis sərxoş və çox qəzəbli olub. Ona qarşı protokol tərtib edən yol polisinin dediyinə görə, Vasilyev onları hədələyib.
Polis əməkdaşı oğurluqda günahını etiraf etməyib. O, xidməti araşdırmanı gözləyir və oğurluq maddəsi ilə cinayət işi də başlana bilər.