Rusiyanın Moskva Qarnizonu Hərbi Məhkəməsində keçirilən iclasda prokuror FTX-nin keçmiş zabiti Dmitri Frolovun 14 il müddətinə azadlıqdan məhrum edilməsini istəyib.

Capar.info yerli KİV-ə istinadla bildirir ki, tərəflər arasında mübahisə zamanı dövlət ittihamını təmsil edən prokuror təqsirləndirilən şəxsin korrupsiyada günahının sübuta yetirildiyini açıqlayıb. Məhkəmə Frolova qarşı xüsusilə külli miqdarda dələduzluq ittihamını ləğv edib və cinayət təqibinin müddətinin başa çatması ilə əlaqədar bu epizod üzrə icraata xitam verib.

Müstəntiqlərin fikrincə, FTX zabiti 2007-ci ilin oktyabrından 2013-cü ilin iyuluna qədər “Creditimpex” bankının fəaliyyətinə himayədarlıq edib və bunun üçün onun səhmdarından aylıq pul alıb. İstintaq müəyyən edib ki, Frolov altı il ərzində qanunsuz olaraq 87 milyon rubl (təxminən 1 milyon 618 min manat) əldə edib.
FTX polkovnikləri Dmitri Frolov, Kirill Çerkalin və Andrey Vasilyev 2019-cu ilin aprelində saxlanılıb. Axtarışlar zamanı onlardan 12 milyard rubl (təxminən 223 milyon 200 min) tapılıb. Çerkalin etiraf edəndən sonra yeddi il həbs cəzası alıb və Vasilyevə qarşı iş iddia müddətinin başa çatması səbəbindən bağlanıb.