Rusiyanın Moskva şəhərində rəfiqəsini qaçıraraq onu soyan iki nəfər saxlanılıb.

Capar.info yerli mediaya istinadla xəbər verir ki, 26 yaşlı qadın və 36 yaşlı kişi birlikdə köhnə dostunu qaçırmaq qərarına gəliblər. Onlar zərərçəkəni aldadaraq şəxsi evlərinə aparıb orada bağlayıblar, sonra isə qadının mənzilini qarət ediblər. Oğrular evdən saat və tapa bildikləri bütün pulları özləri ilə aparıblar.

Bundan əlavə, cinayətkarlar zərərçəkənin hesablarından 2 milyon rubl (təxminən 37 min 400 manat) oğurlayıblar. Quldurlar daha sonra taksiyə minib qaçıblar. Polis onları Rostov vilayətində yaxalayıb.