Fransız qadın hesabında kifayət qədər pul olmadığını anladıqdan sonra Nanter şəhərindəki Societe Generale bank filialını yandırıb.

Capar.info -nın xarici mediaya istinadən məlumatına görə, fransalı qadın öz hesabından nağd pul çıxarmağa çalışsa da, bank işçisi ona lazım olan məbləği verə bilməyib və imtina etmək məcburiyyətində qalıb. Daha sonra qadın “Molotov kokteyli” çıxararaq onu yandırıb və otağın içərisinə atıb.

Yanğın bütün binaya yayıldıqda, ziyarətçilər çaxnaşma içində bankdan qaçıblar, lakin cinayətkar polisdən gizlənməyə belə cəhd etməyib - o, yanan binanın qarşısında poza verməyə başlayıb.

Həbs edildikdən sonra onda psixi pozğunluq olduğu şübhəsi yaranıb.