ÜST qarşıdan gələn 2-3 həftədə Omikrona Avropa əhalisinin tən yarısının yoluxacağını açıqlayıb.
Mutant virus yoluxan, yoluxmayan, peyvənd olunan-olmayan hər kəsə yoluxur.
Omikronun ən güclü hücum dalğası nə vaxt gözlənilir?
Rusiyanın ali dərəcəli həkimi, elmi-tibbi ekspert Aleksey Vodovozoz Rusiyada yanvarın sonuna Omikron sunamisi olacağını bildirib.
"Əgər bu gün ABŞ-da gündəlik yoluxma 1 milyondursa, Rusiyada da bundan geri qalmayan sunami gözlənilir. İnsanlar ABŞ və Avropada saatlarla test üçün növbə gözləyir. Hələ dəqiq xəstə sayı bilinmir. Yoluxma rəqəmləri aparılan testlərdən asılıdır. Gündəlik 10 min xəstə aşkar etmək o demək deyil ki, bütün Rusiyada cəmi 10 min xəstə var. Bu rəqəm test edib çatdırdıqlarımızdır. Omikronun sürətinə heç bir dövlət hazır deyil, heç bir test sistemi dözməz. Biz yanvarına son həftəsində gündəlik 30-40 min yoluxma rəqəmi proqnozlaşdırırıq.
Omikrona qarşı maska yox, respirator taxmaq vacibdir. Amma bizim ölkədə hələ də bu problem olaraq qalır.
Spirt, dispenserlər, dezinfeksiyanı çoxdan dövlət qurumları unudub.
Omikron çox maskalanır, amansızdır, o istənilən immun və peyvənd baryerini aşır.
Omikron elə əlamətlər verir ki, insanın ilk 3 gündə xəstə olduğunu heç kim təxmin belə edə bilməz. Ona görə də burnun axdı, bir balaca boğazın qıcıqlandı, iyləri fərqli hiss etdin testə qaçmalısan və özünü təcrid etməlisən".