ABŞ-ın Las-Veqas şəhəri yaxınlığında onlarla insan qalıqları aşkarlanıb.

Capar.info xarici mediaya istinadla bildirir ki, təxminən yetmişə yaxın təpəcikdə insan külü Serçlayt yaşayış məntəqəsinin yaxınlığında tapılıb. Torpaq resurslarının idarə olunması üzrə Bürodakı mütəxəssislər bunun həqiqətən də insan qalıqları olduğunu təsdiqləyiblər.

Hadisə ilə bağlı araşdırma başladılıb. Bununla yanaşı, bildirilir ki, Nevadada qanunvericiliyə əsasən insanın külünü ictimai ərazilərdə səpməyə icazə verilir.


Amma bir istisna mövcuddur. Külün səpilməsi yalnız şəxsi qaydada həyata keçirilə bilər. Qalıqların kommersiya məqsədilə yayılması qəti şəkildə qadağandır. Hazırda baş verən hadisənin bütün halları və kremasiya olunmuş yığınların mənşəyi araşdırılır.