Məşhur amerikalı reper Meqan Thee Stallion süni intellect vasitəsilə hazırlanmış seks kaseti qalmaqalına görə səhnədə ağlayıb.

Capar.info -nın xəbərinə görə, 29 yaşlı reper Meqan Thee Stallion konserti zamanı qəfildən səhnədə ağlamağa başlayıb.

“Qremmi” mükafatına layiq görülən reperin ağlamasını süni intellektlə onun haqqında hazırlanmış seks kasetləri ilə əlaqələndiriblər. Məşhur reper konserti olduğu gün sosial media hesabında süni intellektlə hazırlanan seks kasetləri ilə bağlı açıqlama verib.
Megan Thee Stallion görüntülərin saxta olduğunu vurğulayıb: “Bilin ki, bu gün mənimlə oyun oynadığınız son gündür, mən bu məsələdə ciddiyəm”.

Amerikalı müğənni bir müddət əvvəl keçmiş işçisi Emilio Qarsianın ittihamları ilə gündəmə gəlmişdi. Qarsiya aprel ayında müğənniyə qarşı qaldırdığı iddiada Megan Thee Stallionun qarşısında bir qadınla cinsi əlaqədə olduğunu və bu vəziyyətin ona narahatlıq, depressiya və stress yaşatdığını iddia etmişdi.

Reperin vəkili Aleks Spiro isə ittihamları rədd edərək, bu iddianın pul qazanmaq üçün açıldığını iddia edib.