Laçında yol qəzasında həlak olan hərbçilərimizə şəhid statusu veriləcək.

Bu barədə Capar.info -ya Səfərbərlik və Hərbi Çağırışa Xidmətinin İstimaiyyətlə Əlaqələr və Beynəlxalq Münasibətlər Şöbəsinin rəisi Pərviz Sədrəddinov bildirib. Onun sözlərinə görə, şəhid statusu qanuna uyğun olaraq hərbi hissə tərəfindən verilən bildiriş əsasında verilir.

Qurum rəsmisi qeyd edib ki, bu gün həlak olan hərbi qulluqçular - Həsən İsmayılov və Səxavət Axundova xidmət vaxtı həlak olmalarını təsdiq edən rəsmi arayış təqdim olunduqdan sonra şəhidlik statusu veriləcək.

Xatırladaq ki, bu gün səhər saatlarında Laçında hərbi avtomobilin aşması nəticəsində 2 hərbi qulluqçumuz həlak olub, 9-u isə yaralanıb.