73 yaşlı qadın uçuş zamanı təyyarədə ölüb.

Capar.info xarici mediaya istinadən bildirir ki, hadisə Londondan Fransanın Nitsa şəhərinə uçuş zamanı baş verib.

Sərnişinlər onun yatdığını düşünüblər. Göyərtədə olan digər sərnişinlər çantalarını götürüb təyyarədən çıxarkən qadının tərpənmədiyini görüblər.
Bəziləri oyatmaq üçün ona yaxınlaşıb və yalnız bundan sonra faciəni anlayıblar.
Təşvişə düşən sərnişinlər uçuş heyətinə zəng vurub, onlar təcili yardım çağırıb. Təyyarənin eniş yerinə gələn həkimlər onu həyata qaytarmağa çalışsalar da, heç bir nəticə olmayıb. Məlum olub ki, sərnişin uçuş zamanı ölüb. Ölümün dəqiq səbəbləri məlum deyil.