“Mançester Yunayted”in futbolçuları Premyer Liqada uduzduqları matçdan sonra münaqişəyə giriblər.

Capar.info xarici mediaya istinadən bildirir ki, “Mançester Yunayted”in soyunub-geyinmə otağında “Brayton”la matçdan sonra 4 oyunçu arasında münaqişə baş verib. Mübahisə yarımmüdafiəçilər Bruno Fernandes və Scott McTominay, həmçinin müdafiəçilər Lisandro Martinez və Viktor Lindelof arasında baş verib. Qeyd olunur ki, İngiltərə klubunun baş məşqçisi Erik ten Haq oyunçuları sakitləşdirib.

Xatırladaq ki, Premyer Liqanın 5-ci turunun matçında “Mançester Yunayted” səfərdə “Brayton”a 1:3 hesabı ilə uduzub. “Mançester Yunayted” 6 xal toplayıb və Premyer Liqanın turnir cədvəlində 13-cü yerdədir. Komanda bu il 1989-cu ildən bəri İngiltərə çempionatında ən pis başlanğıcını edib.