Sidney Universitetinin alimləri gündə 4,5 dəqiqə güclü idman bəzi xərçəng növlərinin riskini 32 faiz azalda biləcəyini müəyyən ediblər.

Capar.info xarici mediaya istinadla xəbər verir ki, təcrübədə bir həftə ərzində gündəlik aktivlik izləmə cihazları taxan və idman etməyən 22 398-dən çox insan iştirak edib. Xəstələrin orta yaşı 62 olub. Yeddi ildən sonra tədqiqatçılar müxtəlif fəaliyyət səviyyələri olan iştirakçıların xərçəng xəstəliyinə tutulma hallarını qiymətləndiriblər.

Təhlil göstərib ki, gündəlik tapşırıqlar zamanı cəmi 4-5 dəqiqəlik güclü fiziki fəaliyyət xərçəngin ümumi riskini 18, qeyri-kafi fəaliyyətlə əlaqəli xərçəng riskini isə 32 faiz azaldır. Əvvəlki araşdırmalar göstərib ki, məşq etməyən yetkinlərdə döş, endometrium və kolon xərçəngi inkişaf riski artır.