Çində pandemiya dövründəki ən böyük COVID-19-a yoluxma dalğası qeydə alınıb.

capar.info -nın “Bloomberg“ə istinadla məlumatına görə, son sutkada koronavirusa 37 milyon nəfər yoluxub.

Nəşr yazır ki, Çin Milli Səhiyyə Komissiyasının çərşənbə günü keçirilən qapalı iclasında koronavirusa yoluxma halları ilə bağlı qeyri-rəsmi statistika açıqlanıb.
İclasın protokoluna görə, bu həftənin əvvəlində bir gündə Çində 37 milyona qədər insan yoluxub. Ümumilikdə dekabrın ilk 20 günündə ölkədə 248 milyon insan, yəni əhalinin təxminən 18%-i xəstələnib.