Sumqayıt Dram Teatrının aktyorları maaş ala bilmirlər.

Bu barədə capar.info -ya teatrın aktyorlarından biri məlumat verib.

Onun dediyinə görə, maaşların gecikməsinə səbə teatrın rəhbərinin olmamasıdır.
Direktoru əvəz edən müavinin səlahiyyəti məhduddur. Bir həftə, 10 gün ona əmr verilir ki, direktorun səlahiyyətlərini yerinə yetirsin. Bu müddət ərzində direktor muavini banka öz imzasını təqdim edəndən sonra biz öz maaşımızı alırıq. Noyabrın əvvəlidir, biz hələ oktyabrın əməkhaqqısını almamışıq. İşə gəlməyə yolpulu yoxdur. Səbəb odur ki, direktorun imzası olmalıdır, bizim isə müdirimiz yoxdur”, - aktyor bildirib.

Teatrın aktyorları qarşılaşdıqları çətinliklə bağlı kütləvi şəkildə Mədəniyyət Nazirliyinə videomüraciət ünvanlayıblar. Sumqayıt Regional Mədəniyyət İdarəsindən bildirilib ki, teatr nazirliyə tabe olduğu üçün məsələnin həlli onların səlahiyyətlərində deyil.

Mədəniyyət Nazirliyindən capar.info -ya bildirildi ki, məsələdən xəbərdardırlar. Tezliklə bu barədə açıqlama veriləcək.