ABŞ prezidentliyinə keçmiş namizəd və keçmiş dövlət katibi Hillari Klinton ABŞ-ın keçmiş prezidenti Donald Tramp və vəkillərindən ona qarşı 2016-cı il seçkilərinin nəticələri ilə bağlı əsassız iddia qaldırdıqlarına görə 1,06 milyon dollar təzminat tələbi ilə bağlı ərizə verib. 2016 seçki.

capar.info bildirir ki, bu barədə “Bloomberg“ Klintonun məhkəməyə müraciətinə istinadən xəbər verib.

Agentliyin məlumatına görə, siyasətçi bu məbləği onun, 2016-cı il prezidentlik kampaniyası və demokratlarla əlaqəli bir neçə digər müttəhimlərin Trampın onlara qarşı iddiası nəticəsində çəkdiyi məhkəmə xərcləri və məsrəfləri üçün kompensasiya kimi geri almağa çalışır.
Agentlik yazır ki, Trampın vəkillərindən Alina Xabba Klintonun ərizəsinin “təxribat xarakterli ittiham” olduğunu bildirib.

2022-ci ilin martında Tramp ABŞ-ın Florida dairəsi üzrə federal məhkəməsində Hillari Klinton və Demokratlar partiyasının liderlərinə qarşı iddia qaldırıb. O, siyasətçiləri 2016-cı il seçkilərinin nəticələrinə təsir etmək üçün “ağılları sarsıdan və millətin demokratik əsaslarına meydan oxuyan ağlasığmaz bir sui-qəsd” təşkil etməkdə ittiham edib.