[img=left]https://capar.info/uploads/posts/2022-09/1664179039_63314bf09a24d63314bf09a24e166417508863314bf09a24b63314bf09a24c.jpg[/img
Sentyabrın 25-i gecəyarısı saat 4 radələrində Abşeron rayon sakini, 28 yaşlı Xalidə Əsədovanın almış olduğu xəsarətlərdən ölməsi barədə rayon prokurorluğuna məlumat daxil olub.

Prokurorluqdan capar.info -ya verilən məlumata görə, aparılmış araşdırmalarla zərərçəkmişin qardaşı, 24 yaşlı Nicat Əsədovun yaşadıqları evdə şəxsi münasibətlər zəminində aralarında yaranmış mübahisə zamanı bıçaqla Xalidə Əsədovaya çoxsaylı xəsarətlər yetirməsinə, sonuncunun almış olduğu xəsarətlərdən xəstəxanada ölməsinə əsaslı şübhələr müəyyən edilib.

Faktla bağlı Abşeron rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.
Nicat Əsədov şübhəli şəxs qismində tutularaq istintaqa cəlb edilib. İş üzrə istintaq davam edir.