Endryu Qarfild bir keşiş rolunu canlandırmaq üçün 6 ay oruc tutub.

capar.info xarici KİV-ə istinadən xəbər verir ki, hörümçək adam rolu ilə tanınan ingilis aktyor Endryu Qarfild keşiş rolunu oynadığı “Silence” filmi üçün arıqlayıb.

Məşhur britaniyalı aktyor Endryu Qarfild "Silence" filmində çətinliklərini bölüşüb.
Rejissor Martin Skorsezin çəkdiyi filmdə xristianlığı təbliğ etmək üçün Yaponiyaya gedən katolik keşişini canlandıran aktyor bu prosesdə çox arıqlamaq məcburiyyətində qaldığını deyib.

“İnanılmaz bir mənəvi təcrübə yaşadım. Özüm üçün hər gün yeni rituallar yaratdım. Çox arıqlamalı olduğumuz üçün 6 ay oruc tutdum”, - deyən aktyor bu filmin onun üçün inanılmaz təcrübə olduğunu bildirib. 39 yaşlı aktyor bu proses zamanı ac qaldığını açıqlayıb.