Gənc işçi, keçmiş həyat yoldaşı və üç milyon yuan.

Çinli iş qadını özünü qeyri-adi sevgi və hüquqi qalmaqalın mərkəzində tapıb.

Capar.info -nın xarici KİV-ə istinadla xəbərinə görə, Çuntsine şirkətini idarə edərkən o, gənc evli bir işçiyə aşiq olub. Boşanmasını sürətləndirmək və arvadına uşaq baxımı xərclərini ödəmək üçün o, üç milyon yuan (təxminən 420.000 dollar) köçürüb.


Lakin kişi ilə bir il birlikdə yaşadıqdan sonra münasibətlərin nəticə vermədiyini anlayıb və həm ondan, həm də keçmiş həyat yoldaşından pulun geri qaytarılmasını tələb edib.

Birinci məhkəmə qismən iş qadınının tərəfini tutaraq, vəsaitlərin "etibarsız hədiyyə" olduğuna və geri qaytarılmasına qərar verib. Məhkəmə onların köçürülməsinin ictimai asayişi və yaxşı adət-ənənələri pozduğunu müəyyən edib.

Lakin apellyasiya şikayəti əsasında vəziyyət dəyişib. Yuxarı məhkəmə instansiyası müəyyən edib ki, Çju pulun hədiyyə olduğuna dair inandırıcı sübut təqdim edə bilməyib.

Faktiki olaraq həmin vəsait kişinin adına boşanma prosesinə və uşaq dəstəyinə sərf edilib. Üstəlik, apellyasiya məhkəməsi qeyd edib ki, Çjunun ayrıldıqdan sonra pulu geri qaytarmaq cəhdi əsassız görünür, çünki o, maddi dəstəyi ilə boşanmanı asanlaşdırıb.

Nəhayət, şikayət ilkin qərarı ləğv edib və qadın artıq keçmiş sevgilisinə və keçmiş həyat yoldaşına üç milyon yuanı qaytarmağa borclu deyil.