Kriştiano Ronaldo və Serxio Ramos yenidən eyni komandada oynaya bilər.

capar.info xarici mediaya istinadla bildirir ki, müasir futbolun super ulduzlarının Səudiyyə Ərəbistanının“Əl-Nasr” komandasında yenidən birləşmə şansı var.

İspaniyanın nüfuzlu “Marca” nəşrinin məlumatına görə, Yaxın Şərqdən olan klub rəhbərlərinin həqiqətən də istədiyi budur. Qeyd edək ki, hazırda Ramos 2023-cü ilin yayına qədər müqaviləsi olan Fransanın PSJ klubunda çıxış edir.
“Əl-Nəsr” yaranmış vəziyyətdən istifadə edib futbolçunu pulsuz almaq istəyir. Lakin bu plan o halda işə yarayacaq ki, ispaniyalı müdafiəçi Fransa çempionu ilə hazırkı müqaviləni uzatmaq istəməsin.

Son zamanlar “Əl-Nasr” futbol tarixində rekord məbləğ təklif edilən Kriştiano Ronaldo ilə müqavilə imzalanması üzərində fəal işləyir. Portuqaliyalı və ispaniyalı əvvəllər uzun müddət “Real”da birgə çıxış ediblər.