Qobustan Bakıya ən yaxın rayonlarımızdandır. Düşünürdük ki, bəlkə bu yaxınlığa görə bəzi məmurlar özlərini yığışdırarlar. Lakin düşündüyümüzün tam tərsi ilə qarşılaşırıq. Nə üçün? Deyək, bilin.
Qobustanın Cəngi adlanan ərazisində ərazinin yaşıllaşdırılması işi ilə məşğul olan bir idarə yerləşir. O idarənin də əsas fəaliyyəti həmin ərazidəki yaşıllıqları suvarmaq, ekoloji yüksəlişə xidmət etməkdir. Ancan nə baş verir: həmin idarə ayrı-ayrı imkanlı şəxslərin sahələrini suvarır, aidiyyatı yaşıllıq, meşə zolaqları da susuz qalır, günün istisində yanıb qovrulur.
Ağac, yaşıllıq da insan kimidir, su içməsə yaşamaz. Bəs aidiyyatı idarə nə düşünür? İnanırıq ki, əlaqədar təşkilatlar buna bir əncam qılacaqlar.

İbrahim Qobustanlı,
bölgə müxbiri