Qəbahət də bir qanunazidd xüsusiyyət, dövlət dəyərlərini aşağılayan haldır. Təəssüflər olsun ki, Qobustan rayonunda da bu neqativ zərurət özünü aşkar dəlil kimi göstərir. Rayonda yaşanan dövlətəzidd əməllər əhalini hökumətdən narazı salır və buna da aidiyyatı məmurlar səbəb yaradır.
Məsələn, Qobustan rayonunun Qaradüzlü kənd orta məktəbinin ərazisində - təxminən 5-10 metr aralıda xırda buynuzlu heyvanların saxlanılması üçün 500-600 kvadratmetrlik tövlə tikilib və orada 500 xırda buynuzlu heyvan, 10 it var. Nəticədə məktəb üfunət içindədir, ətraf aləm kəskin qoxudan əziyət çəkir. Üstəlik, məktəb şagirdləri ərazidəki itlərin qorxusundan təşviş içindədir, məktəbin həyətinə çıxmaqdan qorxurlar. Allah eləməmiş, o itlər kiməsə xətər yetirsə, onun məsuliyyəti kimin üzərinə düşəcək? Bu tərəfdən antisanitar şərait ekoloji balansı pozur və bu da müəyyən fəsada yol açır. Bunun məsuliyyətini də daşıyan yoxdur.
Belə getsə, Qobustanda əhali azacıq inamını da itirəcək. Yəni, it də gedəcək, ip də. Bəs dövlət dəyərləri?! Bunun fərqinə varan yoxdur?

İbrahim Qobustanlı,
bölgə müxbiri