BMT Baş Assambleyasının koronavirusa qarşı xüsusi sessiyası Prezident İlham Əliyevin beynəlxalq aləmdəki şəxsi nüfuzunun göstəricisidir.
Bunu millət vəkili Ramil Həsən deyib.
O bildirib ki, Prezident İlham Əliyevin təşəbbüsü ilə keçirilən BMT Baş Assambleyasının koronavirusa qarşı xüsusi sessiyası tarixi hadisədir. Dünyada indiyə kimi 1,3 milyondan artıq insanın ölümünə, 54 milyon insanın bu xəstəlikdən əziyyət çəkməsinə səbəb olan qlobal bəla ilə mübarizə istiqamətində Prezidentin irəli sürdüyü təşəbbüsə Qoşulmama Hərəkatının 120 üzv ölkəsi və daha sonra BMT-nin 150-dən çox üzv dövləti dəstək verib.
Xüsusi sessiyanın keçirilməsinə qarşı çıxmış yeganə ölkə Ermənistan oldu. Ermənistan bütün dünyanın marağına xidmət edən bir təşəbbüsə qarşı çıxmaqla nəinki bir daha məğlub oldu, həmçinin beynəlxalq səviyyədə özünü bir daha rəzil etdi.