Bəzi kütləvi informasiya vasitələrində və sosial şəbəkələrdə Bakıda qadın vəkili icra məmurunun döyməsi ilə bağlı məlumat yayılıb.

Bununla bağlı Vəkillər Kollegiyasından Caar.info bildirilib ki, yayılan məlumatda adıçəkilən Hüseynbəyli Ülkər Hüseyn qızı Vəkillər Kollegiyasının üzvü deyil.

Vəkillər Kollegiyası qeyd etmək istəyir ki, Kollegiyanın rəsmi veb-səhifəsində (www.barassociation.az) yerləşdirilmiş “fəaliyyət göstərən vəkillərin siyahısı” bölməsindən və ya Vəkillər Kollegiyası Rəyasət Heyəti ilə əlaqə saxlayaraq şəxslərin Vəkillər Kollegiyasının üzvü olub-olmamasını dəqiqləşdirə bilərlər.

Bütün KİV-ləri və sosial şəbəkə istifadəçilərini yalan və rəsmi mənbələrdən dəqiqləşdirilməmiş məlumatlar yaymamağa çağırır və sözügedən xəbəri dərc etmiş KİV-ləri məlumatı dəqiqləşdirib yenidən dərc etməyə dəvət edirik.