G7 ölkələri Çində koronavirusla bağlı vəziyyəti müzakirə edəcək.

“capar.info” RİA “Novosti” agentliyinə istinadən xəbər verir ki, bu barədə AFR-ın Səhiyyə Nаzirliyinin başçısı Yens Şpan bildirib.

"Mən vəziyyətin ümumi qiymətləndirilmələrinə gəlmək üçün amerikalı həmkarımla telefon danışığı apardım. Biz Böyük Yeddilik ölkələrinin səhiyyə nazirlərinin konfransını keçirməyin lazım olduğunu razılaşdırdıq. Əgər ölkə təkbaşına tədbir görürsə heç nəyə nail olmayacaq, xüsusən Avropada", - “Welt” telekanalının efirində Şpan deyib.

O bildirib ki, Amerika tərəfi ilə vəziyyət üzrə konfrans keçirməyi razılaşdırıb.

Qeyd edək ki, Almaniyada koronavirusa 10 yoluxma hadisəsi qeydə alınıb. Virusa yoluxanlardan 8-i Bavariyada yaşayır.