Bakıda piyada zolağının qarşısı dəmir məhəccərlərlə hasara alınıb. Nəticədə piyada zolağından istifadə edən vətəndaşlar ya məcbur qalıb məhəccərlərin üzərindən tullanmalı olur, ya da ki, yolun hərəkət hissəsindən keçirlər. Bəzi piyadalar isə məcbur qalıb yolun hərəkət hissəsindən istifadə edirlər. Nəticədə də onların həyatı üçün təhlükə yaranır.

Unikal.org-un xezerxeber-ə istinadən məlumatına görə, söhbət Nəsimi rayonu, 3-cü mikrorayon dairəsindən gedir.

Araşdırma zamanı məlum olub ki, ərazinin dəmir məhəccərlərlə hasara alınmasını Bakı Nəqliyyat Agentliyinin əməkdaşları həyata keçiriblər. Qurumun mətbuat xidmətinin rəhbəri Mais Ağayev əraziyə yenidən baxış keçiriləcəyini və problemin tezliklə həll olunacağını bildirib.