“Azərsu” Açıq Səhmdar Cəmiyyətində qurğulardan istifadə qaydalarının pozulması aşkarlanıb.
capar.info -nın məlumatına görə, aşkarlanan nöqsanla bağlı İnzibati Xətalar Məcəlləsinin 237.2-ci (Ətraf mühitə buraxılan tullantıların təmizlənməsi və tullantılara nəzarət üçün qurulmuş qurğuların, avadanlığın, aparatların istismar qaydalarının pozulmasına və ya bunlardan istifadə edilməməsinə görə) maddəsi ilə protokol tərtib olunub.

Protokol baxılması üçün Xətai rayon Məhkəməsinə göndərilib. İş hakim Bəxtiyar Məmmədovun icraatına verilib.
Qeyd edək ki, nöqsan təsdiqlənərsə, “Azərsu” 20 min manatdan 25 min manatadək cərimə gözləyir.