capar.info : - Bu gün Azərbaycan Respublikasının keçmiş xarici işlər naziri Tofiq Zülfüqarov və siyasi elmlər üzrə professor Armen Griqoryanın iştirakı ilə “Bir il sonra: Azərbaycan və Ermənistan arasında postmüharibə dönəmində gələcəyin qurulması” mövzusunda konfrans keçiriləcək.

Bizim.Media xəbər verir ki, vebinar zoom platforması üzərində təşkil olunacaq.

Konfransın əsas məqsədi isə, 10 noyabr tarixində imzalanan üçtərəfli bəyanatından bu günə qədər olan bir illik müddət ərzində Azərbaycanla Ermənistan arasındakı münasibətlərdəki tərəqqini və qarşıda duran maneələri müzakirə etməkdir.

Əsas diqqətdə olan məsələ isə, gələcəkdə iki ölkə arasında əməkdaşlıq, iqtisadi əlaqələr və sülhün təmin olunması imkanlarının nəzərdən keçirilməsidir.

Qeyd edək ki, konfrans “Restart İnitatative”- in təşkilatçılığı ilə baş tutacaq və qurumun icracı direktoru Janın Mitçel müzakirələrə moderatorluq edəcək.

Qeyd edək ki, 2020-ci ilin dekabr ayında Ermənistan və Azərbaycan arasında münasibətlərin inkişaf etdirilməsi və davamlı sülhə nail olmaq istiqamətində qarşılıqlı müzakirə mühitinin formalaşdırılması üçün “ReStart” təşkilatı yaradılmışdır. Tiflis şəhərində qeydiyyatdan keçmiş, baş ofisi Berlin şəhərində yerləşən “ReStart” təşkilatı qeyri hökümət təşkilatıdır. Təşkilatın İcraçı direktoru ABŞ vətəndaşı olan Janin Mitçeldir.