capar.info : - "İranın Azərbaycanın suverenliyini təhdid edərək erməni separatizminə lojistik dəstəyi açıq şəkildə ifşa edilsə də, rəsmi Tehran öz ampulasındadır”.

Bunu Sfera.az-a açıqlamasında politoloq Məhəmməd Əsədullazadə deyib. Onun sözlərinə görə, Azərbaycanın öz torpaqlarını işğaldan azad etməsi və Türkiyənin regionda artan siyasi-hərbi mövcudluğu rəsmi Tehranı hərəkətə gətirib:

"Tehranda hakimiyyətə gələn mühafizəkarların Azərbaycanla münasibətləri korlayacağı və regionda yeni formalaşan nizama qarşı olacağı gözlənilirdi. Cənubi Qafqazda demək olar ki, mövqelərini itirən İranın Türkiyə-Ermənistan sərhədləri açıldıqdan sonra bu ölkə ilə əlaqələri zəifləyəcək. Bölgədə Türkiyənin regional gücü artacaq. Amma Azərbaycan və digər sahilyanı ölkələr üçün bu problem bitib. Ona görə də Xəzər dənizi ilə bağlı İranın narahatlıqları Azərbaycan üçün ciddi qəbul edilməyəcək”.

Politoloq İrandan Azərbaycana qarşı təxribatların gözlənildiyini qeyd edib:

"Ötən gün Türkiyənin müdafiə naziri Hulusi Akarın Azərbaycanı müdafiə edəcəkləri barədə bəyanatları təkcə İrəvan və Moskvaya deyil, Teharana da mesaj idi. İranın yeni administrasiyası Azərbaycanı rəqib ölkə kimi xarakterizə edir və çalışacaq ki, Ermənistan vasitəsilə təxribatlara gedilsin. Lakin Paşinyan İrana görə Azərbaycanla əlavə konfliktə girməkdə maraqlı deyil”.