Cənubi Sudandan sonra Efiopiyada da sarı qızdırma epidemiyası yayılmağa başlayıb.
Bu barədə Ümumdünya Səhiyyə Təşkilatı xəbərdarlıq edib.
Bildirilib ki, ölkənin cənub əyalətinin Qurage bölgəsində mart ayının əvvəllərindən bəri yayılan infeksiya artıq 85 nəfərə yoluxub. Xəstəliyin yayıldığı bölgədə və ətraf ərazilərdə peyvəndləmə işlərinə başlanıb.
Təşkilatın açıqlamasında qısa müddətdə yoluxma sayının artması və virusun lokal olma ehtimalının təşviş doğurduğu qeyd edilib.
Əlavə edək ki, ÜST ötən həftə Cənubi Sudanda sarı qızdırma epidemiyasının yayıldığını açıqlamışdı.
Ağcanadların insanlara yoluxdurduğu bu xəstəlik yüksək qızdırma, sarılıq, qarın ağrısı, qusma və qanamaya yol açır.