Ər arvadını təsadüfən qiyməti iki min dollardan çox olan kokteyl sifariş etdikdən sonra barda tək qoyub.

Capar.info xarici mətbuata istinadən məlumat verir ki, Belfast sakini Linsi hadisəni “TikTok”da danışıb. O, əri və bacısı ilə Yeni il tətilində Londonda beşulduzlu oteldə qaldığını bildirib. Linsi əri ilə otelin barına içki içmək üçün gedib və o, qızıl yarpaq səpilmiş Cristal şampan və 30 illik viski olan bir kokteyl sifariş edib.

Kokteylin qiyməti 2356 dollar təşkil edib. Hesabı ona verəndə o, kokteylin 23,56 dollara başa gəldiyinə inanaraq susub. Linsi hesabı ərinə göstərib, əri o qədər qəzəblənib ki, bununla məşqul olmaq üçün barda tək qoyub.

Menyuya yenidən baxarkən çox böyük səhv etdiyini anlayaraq barmenə müraciət edib. Barmen meneceri çağırıb, o isə nəzakətli şəkildə “bununla məşğul olacağını” söyləyib.
“Mən çıxılmaz vəziyyətdə idim... Əgər məndən viski əsasında hazırlanan və bəyənmədiyim kokteyl üçün pul ödəməyi tələb etsəydilər, buna görə vəba kimi bardan qaçardım”, - xanım deyib.

Bir neçə gecədən sonra o, hadisə ilə bağlı onunla zarafatlaşmağa başlayan menecerlə qarşılaşıb. Daha sonra o, barmenin işdən çıxarıldığını bildirib. Linsi göz yaşlarına boğulub və deyib ki, barmeni buna görə işdən çıxarmağa dəyməz və kokteylin pulunu ödəyəcək. Xoşbəxtlikdən menecer zarafat edirmiş.

Bu hekayənin videosuna 1,8 milyon dəfədən çox baxılıb. İstifadəçilər kokteylin baha olmasından hiddətlənib. "Düzünü desəm, bu tamamilə absurd qiymətdir", - bir istifadəçi yazıb.