Qazaxıstanda təlim təyyarəsinin qəzaya uğraması nəticəsində iki nəfər ölüb.

Capar.info xarici mediaya istinadən xəbər verir ki, hadisə Qaraqanda vilayətində baş verib. Bu barədə ölkənin Nəqliyyat Nazirliyinin Mülki Aviasiya Komitəsinin mətbuat xidməti məlumat yayıb. İdarədən bildiriblər ki, qəza yerində iki cəsəd tapılıb.

Məlumata görə, UPLA-286 təyyarəsi təlim uçuşu etməli idi. O, saat 7.46-da aerodromdan havaya qalxsa da, bundan sonra onunla əlaqə saxlamaq mümkün olmayıb. Xilasedicilər qısa müddətdə təyyarənin qalıqlarını aşkar ediblər.
Qəza ilə bağlı araşdırmalar başlayıb.