Hollivud ulduzu Arnold Şvartsenegger və keçmiş arvadı Mariya Şrayver 2011-ci ildə ayrılmağa qərar versələr də, rəsmi şəkildə 2021-ci ildə ayrılıblar.

Capar.info -nın xarici mediaya istinadən xəbərinə görə, Arnold bu günlərdə verdiyi müsahibədə keçmiş arvadına böyük hörmətlə yanaşdığını bildirib.

Mariya Arnoldun ona evlərindəki xidmətçi ilə xəyanət etməsi və bir nikahdankənar oğlu olması barədə öyrənərkən boşanıb.
Şvartsenegger bildirib ki, arvadı ilə heç vaxt soyuq münasibətlərdə olmayıb.
“Biz qərar verdik ki, ayrılsaq da, uşaqlar münasibətlərimizdən əziyyət çəkməməlidirlər. Bu ilk qızıl qaydamız oldu. Ona görə önəmli günlərdə, bayramlarda bir yerdə oluruq. Hər nə qədər başqa insanlarla münasibətlərimiz olsa da, biz bir-birimizi sevməyə davam edirik”, - o bildirib.

Arnoldun Mariya ilə birgə nikahdan 4 övladı var. Onlardan ən böyüyü 33, ən kiçiyi 26 yaşındadır.