Dağlıq Qarabağdakı Rusiya sülhməramlılarının gələcəyi hələ müəyyən edilməyib, Moskva bunu Azərbaycanla müzakirə edir.

Capar.info xarici mediaya istinadən bildirir ki, bunu Rusiya prezidentinin mətbuat katibi Dmitri Peskov deyib.

“Çətin ki, bunu hələ kimsə deyə bilsin, çünki onlar indi orada, Azərbaycan ərazisində yerləşirlər. Biz Bakı ilə əlaqələrimizi davam etdiririk”, - Kreml sözçüsü jurnalistlərin sualına cavabında vurğulayıb.
O əlavə edib ki, sülhməramlılar yardım göstərir və Qarabağ erməniləri ilə Azərbaycan hakimiyyəti arasında aparılan danışıqlarda iştirak edirlər.