ABŞ prezidenti Donald Trampın administrasiyası ABŞ Müdafiə Nazirliyi olan Pentaqonun adını dəyişib “Müharibə Nazirliyi” adlandırmağı nəzərdən keçirir.

Capar.info xəbər verir ki, bu barədə mənbələrə istinadən “The Wall Street Journal” məlumat yayıb.


Məlumata görə, artıq Trampın ikinci prezidentlik müddətinin ilk həftələrində Pentaqon qurumun adını və rəhbərinin vəzifəsini dəyişdirəcək qanunvericilik təklifləri üzərində işləməyə başlayıb.

Qeyd olunur ki, bununla bağlı Konqresin təsdiqi tələb olunduğu üçün Ağ Ev bunu etmək üçün başqa yollar axtarır.

Xatırladaq ki, qurum 1789-cu ildən 1947-ci ilə qədər ABŞ Müharibə Nazirliyi adlanıb. Daha sonra qurumun adı dəyişdirilərək Milli Hərbi Departamentə çevrilib. 1949-cu ildə isə yenidən adı dəyişilərək ABŞ Müdafiə Nazirliyi adlandırılıb.

Tramp dəfələrlə Pentaqonun əvvəlki adının bərpa olunmasının əleyhinə olmadığını bildirib. O “Müharibə Nazirli” adını daha səs-küylü hesab etdiyini deyib.