Voronovski Klinik İnfeksion Xəstəliklər Mərkəzinin baş həkimi Sergey Perexodov koronavirus infeksiyasının ağır gedişatına sahib olan gənclərin sayının artmasının səbəblərini izah edib.
Həkim bu barədə "Rusiya-1” telekanalının efirində danışarkən deyib:
"Xəstəliyin azalmasında açıq bir tendensiya yoxdur. Gənc xəstələr arasındakı ağırlaşma gec geri dönüşün olması ilə əlaqədardır”.
Mərkəzin yoluxucu xəstəliklər şöbəsinin müdiri Kristina Ryabova əlavə edib ki, xəstə hər zaman səhhətində pisləşmə hiss etmir və bu vaxt bədəndə "fəlakət” başlayır.
Perexodov eyni zamanda koronavirus infeksiyası ilə mübarizə aparmaq üçün bütün həkimlərin yenidən səfərbər olduğunu söyləyib. Bildirib ki, "hərbi əməliyyatlar” başlayanda həkimlər ixtisasları unudur və xəstəni xilas etmək üçün hər şeyi edirlər.
Daha əvvəl Tədqiqat Epidemiologiya və Mikrobiologiya İnstitutunun direktor müavini Aleksandr Semyonov Rusiyada gənclər arasında yoluxma hallarının artmasını özünütəcrid rejiminə məsuliyyətsiz yanaşma ilə izah etmişdi.