Rusiyada prezident seçkiləri zamanı Gümrü və İrəvanda da Rusiya vətəndaşları üçün seçki məntəqələri fəaliyyət göstərib.

Capar.info xarici KİV-ə istinadla xəbər verir ki, komissiyaların bu gün yerli vaxtla saat 11:30-a olan nəticələrinə görə, Putin İrəvanda 32,87 faiz səs toplayaraq məğlub olub.

Burada “Yeni Xalq” partiyasından Vladislav Davankov 49,85 faiz səs toplayaraq qalib gəlib. Amma Gümrüdə Putin qalib çıxıb - o, 58,14 faiz səs toplayıb.

Bülletenlərin 99 faizinin hesablanmasının nəticələrinə görə, Vladimir Putin Rusiyada keçirilən prezident seçkilərində 87,3 faiz səslə qalib gəlib. Bu, onun beşinci səlahiyyət müddəti olacaq və 2030-cu ildə başa çatacaq.