Dünən Qarabağda külləri də sovrulmuş separatçı-terrorçu rejimin İrəvandakı tör-töküntülərinin “informasiya qərargahı” bəyanat yayıb və sonuncu qondarma “prezident” Samvel Şahramanyanın yaxın vaxtlarda müxtəlif məsələlərlə bağlı bəyanat verəcəyini açıqlayıb.

Capar.info moderator.az-a istinadla xəbər verir ki, bunu səhər saatlarında “Hraparak” nəşri yazıb.

“Əldə etdiyimiz məlumata görə, Şahramanyan Ermənistana qayıtdıqdan sonra iki həftəyə yaxındır ki, Nikol Paşinyanın qəbulunu gözləyir, bu da baş tutmayıb. Şahramanyanın susmasının səbəbi də budur”- xəbərin davamında bildirilir.

“Bəzi məlumatlara görə, S.Şahramanyan mövcud vəziyyət və gələcəklə bağlı mövqeyini açıqlamazdan əvvəl Paşinyanla bəzi məsələləri aydınlaşdırmaq istəyir. Sonuncu isə görüşü gecikdirir. Dünən faktiki olaraq Şahramanyan qərargah vasitəsilə “xəbərdarlıq etdi” ki, açıqlama verəcək. Yeri gəlmişkən, mənbələrimizin bildirdiyinə görə, görüşün təşəbbüskarı əvvəlcə Ermənistan rəhbərliyi olub, sonra, yəqin ki, “vəziyyət” dəyişib””,- erməni nəşri belə yazır.