Rəqqasə Fatimə Fətəliyeva “Cümhuriyyət suitası” adlı yeni klipini təqdim edib.

capar.info xəbər verir ki, mətbuat konfransı edən Fətəliyeva layihəsini Cümhuriyyətin 100 illiyinə həsr etdiyini bildirib:

“Günün ən xoşbəxt insanı mənəm. Bu gün aylardır gözlədiyim layihəmin təqdimatını edirəm. Bəli, vətənimin peşəkar rəqqasəsi olaraq, öz borcumu layiqincə yerinə yetirirəm. Bu işimi Azərbaycanın Cümhuriyyətinin 100 illiyinə həsr etmişəm. Klipdə əziyyət çəkənlərin hər birinə təşəkkür edirəm.

Qobustanda, daşların üzərində oynamaq əziyyətli bir işdir. Həmin gün ayaqlarım yara içərisində idi. Çəkiliş vaxtı rejissorumuz məni incitdi, dalaşdıq, gecələr gündüzə qarışdı. Hərçənd tam istədiyimi almasam da, gələn dəfə burada etmək istədiyimi edərəm”.

“Cümhuriyyət suitası” adlanan bəstənin müəllifi isə Əməkdar İncəsənət Xadimi Nailə Mirməmmədlidir. Ekran işində rejissorluğu Nail Naiboğlu yerinə yetirib.

Mətbuat konfransı zamanı bildirilib ki, klipin 15 min manat büdcəsi var. Çəkilişlər Şəhidlər Xiyabanı və Qobustan Dövlət Qoruğunda baş tutub.

Qeyd edək ki, rəqqasənin təqdimatına media nümayəndələri ilə yanaşı, Xalq artisti Mənsum İbrahimov, müğənnilər Sevda Yahyayeva, Manaf Ağayev, Kərim Abasov, Əhməd Mustafayev, Rəşad İlyasov, Elnarə Xəlilova, Niyam Salami, aparıcılar Vüsalə Əlizadə, Lamiyyə Ələkbərova, rəqqasə Renka və başqa məşhurlar qatılıb.