“Mançester Yunayted”in baş məşqçisi Ruben Amorim klubla əmək müqaviləsini öz istəyi ilə pozmayacağını bildirib.

Capar.info xəbər verir ki, onun sözlərinə görə, belə bir qərarı yalnız rəhbərlik verə bilər.

“Qərarı idarə heyəti verməlidir. Mən bunu edə bilmərəm. Bəzən istefa vermək istəyirəm, məğlubiyyətləri qəbul etmək çətindir. Edə biləcəyim hər şeyi etmədiyim təqdirdə klubdan ayrılmaq çox ağır olardı”, deyə Amorim bildirib.

Amorim 2024-cü il noyabrın 1-də İngiltərənin “Mançester Yunayted” klubunun yeni baş məşqçisi olub. Mütəxəssislə müqavilə 2027-ci ilin yayına qədər nəzərdə tutulub, əlavə bir illik uzatma opsiyası da var.

39 yaşlı portuqaliyalı mütəxəssis əvvəllər “Sportinq”i və “Braqa”nı çalışdırıb.