Daxili İşlər Nazirliyi Lənkəranda həkimin döyülməsi ilə bağlı hadisəyə münasibət bildirib.

Nazirliyin mətbuat xidmətinin Lənkəran regional qrupundan bildirilib ki, hadisə ilə bağlı ekspertiza təyin edilib:

"Dünyasını dəyişən şəxsin qardaşı Lənkəran rayon Mərkəzi Xəstəxanasında xidmət personalla mübahisə yaradıb. İki nəfərə xəsarət yetirib. Hazırda faktla bağlı Lənkəran rayon Polis Şöbəsində araşdırma aparılır. Müvafiq ekspertizalar təyin edilib. Təfərrüatlar ətraflı araşdırmanın nəticəsində müəyyən olunacaq və məsələyə hüquqi qiymət veriləcək".
Azərbaycanda 9 yaşlı uşaq faciəvi şəkildə ölüb.

capar.info xəbər verir ki, hadisə Lənkəran rayonu, Beleton kəndində qeydə alınıb. Kənd sakini 9 yaşlı Nemət Quluzadə yaşadığı evin 2-ci mərtəbəsindən yıxılıb.

Təcili xəstəxanaya çatdırılan azyaşlının həyatını xilas etmək mümkün olmayıb.

Mərhumun atası Zöhrab Quluzadə buna görə rayon xəstəxanasının həkimi Cəmil İbadullayevi döyüb.

Faktla bağlı araşdırma aparılır.