Mordoviya Respublikasının mədəniyyət naziri Svetlana Baulina ezamiyyətdən qayıdarkən ağır qəzaya düşüb. Onun sürücüsü dünyasını dəyişib.

Rusiya Capar.info KİV-ə istinadla xəbər verir ki, hadisə dekabrın 11-nə keçən gecə Saranskdan 150 kilometr aralıda, respublikanın Atyuryevski rayonu ərazisində, M-5 avtomobil yolunda baş verib.

Baulina ezamiyyətdə olduğu Ryazandan qayıdırmış. Səfər zamanı onun olduğu “Skoda” markalı minik avtomobili yük maşını ilə toqquşub və sürücüsü ölüb. Nazir özü Saransk xəstəxanasına çatdırılıb.
Hazırda hüquq-mühafizə orqanlarının əməkdaşları hadisənin baş vermə səbəblərini və şəraitini araşdırır.